Türkiyənin Antalya bölgəsində qış təlim-məşq prosesini davam etdirən Azərbaycanın futbol komandaları növbəti yoxlama matçlarına çıxıblar. Lent.az-ın məlumatına görə, 4 klubumuzdan yalnız “Neftçi” oyununu məğlubiyyətlə başa vurub.
Flaqman bu dəfə Rumıniya “Timişoara”sına uduzub – 1:2. “Ağ-qaralar”ın yeganə qolunun müəllifi Nikolas Kanales olub. Görüşü “Neftçi”nin prezidenti Sadıq Sadıqov da izləyib.
Əvəzində “Qəbələ” Rumıniya çempionatının lideri “Styaua”nı yenib – 1:0. Yeganə qolun müəllifi 78-ci dəqiqədə Dodo olub.
“Xəzər Lənkəran” Moldova “Zimbru”sunu məğlub edib – 2:1. Qalib komandadan qolları görüşün sonlarında Adrian Pit və baxışda olan qvatemalalı hücumçu Henri Lopes vurub.
Nəhayət, “İnter” Qazaxıstan təmsilçisi “Ordabası”nı Samir Zərgərov və baxışda olan Seneqal əsilli fransalı futbolçu Momar Ndiayenin penalti qolu ilə yenib – 2:0.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
