Peşəkar Futbol Liqasının (PFL) prezidenti Ramin Musayev Çempionlar Liqasında Türkiyənin “Qalatasaray” və İspaniyanın “Real Madrid” komandaları arasında keçirilmiş ¼ final mərhələsinin cavab oyununu canlı izləyib. Lent.az-ın məlumatına görə, Musayev İstanbuldakı “Türk Telekom Arena”da baş tutan qarşılaşma zamanı yerli azarkeşlər arasında olub.
O, “sarı-qırmızı” fanatlarla birgə “Cim-Bom”un qələbəsinə sevinib. Hətta 56-cı dəqiqədə Emmanuel Ebuenin bərabərlik qolu zamanı Musayev teleekranlara da gəlib. Həmin anı həmkarımız Ruslan Mikayıllı “Facebook”dakı profilində paylaşıb. Görüş “Qalatasaray”ın 3:2 hesablı qələbəsi ilə yekunlaşsa da, ümumi nəticədə üstün olan (5:3) “Real Madrid” yarımfinala yüksəlib.
Qeyd edək ki, Ramin Musayev İstanbulda olduğu vaxt AFFA İntizam Komitəsi “Neftçi”yə 33200 manat cərimə kəsib, komandanın baş məşqçisi Böyükağa Hacıyevi 10, məşqçi Bəxtiyar Musayevi 5 oyunluq diskvalifikasiya edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
