Futbol üzrə Avropa Liqasında 1/16 və 1/8 final mərhələlərinin püşkü atılıb. Lent.az-ın məlumatına görə, əvvəlcə 16 cütlüyün tərkibi müəyyənləşib.
Türkiyənin “Fənərbağça” klubuna Belarusun BATE klubu rəqib olub. Qrup mərhələsində “Neftçi”nin yer aldığı qrupdan növbəti mərhələyə yüksələn komandalardan İtaliya “İnter”inə Rumıniya ÇFR-i, Rusiya “Rubin”inə isə İspaniya “Atletiko”su rəqib olub.
1. BATE (Belarus) – “Fənərbağça” (Türkiyə)
2. “İnter” (İtaliya) - ÇFR (Rumıniya)
3. “Levante” (İspaniya) – “Olimpiakos” (Yunanıstan)
4. “Zenit” (Rusiya) – “Liverpul” (İngiltərə)
5. “Dinamo” (Kiyev, Ukrayna) – “Bordo” (Fransa)
6. “Bayer” (Almaniya) – “Benfika” (Portuqaliya)
7. “Nyukasl” (İngiltərə) – “Metallist” (Ukrayna)
8. “Ştutqart” (Almaniya) – “Genk” (Belçika)
9. “Atletiko” (İspaniya) – “Rubin” (Rusiya)
10. “Ayaks” (Hollandiya) – “Styaua” (Rumıniya)
11. “Bazel” (İsveçrə) – “Dnepr” (Ukrayna)
12. “Anji” (Rusiya) – “Hannover” (Almaniya)
13. “Sparta” (Çexiya) – “Çelsi” (İngiltərə)
14. “Borussiya” (Mönhenqladbax, Almaniya) – “Latsio” (İtaliya)
15. “Tottenhem” (İngiltərə) – “Lion” (Fransa)
16. “Napoli” (İtaliya) – “Viktoriya” (Çexiya)
İlk oyunlar fevralın 14-də, cavab görüşləri isə bundan bir həftə sonra olacaq.
Ardından 1/8 final mərhələsindəki cütlər də müəyyənləşib. “Fənərbağça” – BATE cütünün qalibinə “Napoli” – “Viktoriya” cütünün qalibi qismət olub:
16 cütünün qalibi – 1 cütünün qalibi
6 cütünün qalibi – 5 cütünün qalibi
12 cütünün qalibi – 7 cütünün qalibi
8 cütünün qalibi – 14 cütünün qalibi
15 cütünün qalibi – 2 cütünün qalibi
3 cütünün qalibi – 9 cütünün qalibi
11 cütünün qalibi – 4 cütünün qalibi
10 cütünün qalibi – 13 cütünün qalibi
İlk oyunlar martın 7-də, cavab görüşləri isə martın 14-də keçiriləcək.