Türkiyənin “Fənərbağça” klubu sabiq futbolçusu Əmrə Belözoğlunu geri qaytarıb. Lent.az-ın “Habertürk”ə istinadən verdiyi məlumata görə, bu keçid klub prezidenti Aziz Yıldırımın istəyi ilə baş tutub.
Mövsümün əvvəllərində Əmrə baş məşqçi Aykut Kocamanla problemlər yaşadığı üçün “Fənər”dən ayrılaraq, “Atletiko”ya üz tutmuşdu. Amma onun Madrid komandasında da işləri qaydasında deyildi. Belə bir məqamda Yıldırım Belözoğluna telefon açaraq, “Komandamızın sənə ehtiyacı var” deyib. Danışıqlardan sonra Əmrə keçmiş klubuna dönməyə razılaşıb. “Fənərbağça” 33 yaşlı yarımmüdafiəçidən ötrü transfer haqqı ödəməyəcək və onunla 2,5 illik müqavilə imzalanacaq.
Qeyd edək ki, Əmrə Belözoğlu “Atletiko”nun Avropa Liqası üçün sifariş ərizəsində yer aldığından, yeni klubuna qitə miqyaslı turnirdə kömək edə bilməyəcək.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
