“Canavarlar” “Barsa”nı parçaladı

Çempionlar Liqasında ilk yarımfinalçılar müəyyənləşib. Apasport.az saytının məlumatına görə, 1/4 finalın cavab oyunları çərçivəsindəki ilk qarşılaşmalar İtaliya və İngiltərədə baş tutub.

Romada azarkeşlər əsl möcüzəyə şahidlik ediblər. Səfərdə "Barselona"ya 1:4 hesabı ilə uduzan paytaxtın eyniadlı komandası doğma divarlar arasında katalonlara əsl şok yaşadıblar. İtaliyalılar 3 cavabsız qolla adını yarımfinala yazdırıb.

"Liverpul" isə 3:0-ın revanşında səfərdə də rəqibini üstələyib. "Mançester Siti" erkən qol vursa da, ÇL-nin 5 qat qalibi olan mersisaydlılar lazım olan qələbəni əldə etməyi bacarıblar.

Qeyd edək ki, 1/4 finalın digər iki cavab oyunu bu gün keçiriləcək.

Çempionlar Liqası

1/4 final (cavab oyunları)

10 aprel

“Roma” (İtaliya) – “Barselona” (İspaniya) - 3:0

Qollar: Ceko, 6, De Rossi, 58 (pen.), Manolas, 82

Baş hakim: Klemen Turpin (Fransa)

Roma. Olimpiya Stadionu

İlk oyun – 1:4

“Mançester Siti” (İngiltərə) – “Liverpul” (İngiltərə) - 1:2

Qollar: Qabriel Jesus, 2 - Salah, 57, Firmino, 76

İlk oyun – 0:3