100 milyon borcu olan 102 yaşlı kluba yardım ediləcək

İtaliya futbol klubları hazırda çətin günlərini yaşayan “Parma”ya yardım əlini uzatmaq qərarına gəliblər. Lent.az-ın məlumatına görə, onlar iflasda olan tarixi kluba maddi dəstək olmaq istəyirlər. Bu məqsədlə klublar martın 6-da bir araya gəliblər. 16 klubun nümayəndəsinin qatıldığı toplantıda İtaliya Futbol Liqasının rəsmiləri də iştirak ediblər. Nəticədə “Parma”nın cari mövsümü başa çatdırması üçün bu kluba maddi yardımın edilməsinə qərar verilib. Qeyd edək ki, 1913-cü ildə əsası qoyulan “Parma”nın təxminən 100 milyon avro borcu var. Martın 16-da məhkəmə “Parma”nın iflasa uğraması məsələsinə baxacaq. Bundan sonra digər klubların yardımına icazə veriləcəyi gözlənilir.