Portuqaliyada ilin ən yaxşı futbolçusu mükafatının təqdimetmə mərasimi keçirilib.
Lent.az xarici KİV-ə istinadla xəbər verir ki, mükafat 10-cu dəfə hücumçu Kriştiaunu Ronaldoya qismət olub. Qeyd edək ki, namizədlər arasında “Atletiko”nun forvardı Joau Feliş və “Mançester Siti”nin yarımmüdafiəçisi Bernard Silva da vardı.
Ronaldu ötən mövsüm “Yuventus”un heyətində İtaliya çempionu olub, eləcə də öz hesabına Turin komandasının heyətində bütün turnirlərdə keçirdiyi 43 oyunda 28 qol və 10 məhsuldar ötürmə yazıb.
Bundan əlavə, 34 yaşlı hücumçu Portuqaliya millisinin heyətində UEFA Milllətlər Liqasında qalib gəlib.
Əlavə edək ki, ilin komandası “Benfika” elan edilib. Onun çalışdırıcısı Brun Laje ən yaxşı baş məşqçi adına layiq görülüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
