"Liverpul" klubunun hücumçusu Məhəmməd Salah İngiltərə komandaları arasında Avropa yarışlarında qollara görə yeni rekorda imza atıb.
Lent.az xarici mediaya istinadla bildirir ki, bu barədə Avropa Futbol Assosiasiyaları İttifaqının (UEFA) rəsmi saytı məlumat yayıb.
Misirli oktyabrın 26-da Avropa Liqasının qrup mərhələsinin 3-cü turunun Fransanın “Tuluza” klubu ilə oyununda (5:1) qol vurub. İndi 31 yaşlı futbolçunun avrokubok turnirlərində "Liverpul"un heyətində 43 qolu var. O, “Arsenal”ın sabiq hücumçusu Tyerri Anrini (42) üstələyib.
Üç oyundan sonra mersisaydlılar 9 xalla E qrupunda birinci yerdədir. “Tuluza” üçüncü yerdədir.
Salah 2017-ci ilin yayından “Liverpul”da çıxış edir. Bu mövsüm o, İngiltərə klubunun heyətində müxtəlif turnirlərdə 12 oyun keçirib, bu oyunda doqquz qol vurub və dörd məhsuldar ötürmə edib.
Növbəti mərhələdə Yurgen Kloppun komandası İngiltərə Premyer Liqasının (APL) 10-cu turu çərçivəsində doğma meydanda “Nottinqem Forest”lə qarşılaşacaq. Görüş oktyabrın 29-da, Bakı vaxtı ilə saat 18:00-da başlayacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
