Spor Toto 1-ci Liqada "Göztepe" ilə "Altay" arasında keçirilən İzmir derbisi baş verən hadisələrə görə dayandırılıb.
Lent.az-ın Türkiyə mediasına istinadla məlumatına görə, oyunun 22-ci dəqiqəsindən sonra Gürsel Aksel stadionunda aləm bir-birinə qarışıb.
“Altay” tribunalarından “Göztepe” azarkeşlərinə fişəng atılandan sonra “Göztepe” tribunasında bəzi azarkeşlər yaralanıb.
Bu səbəbdən meydana 2 təcili yardım maşını daxil olub. Bu zaman meydançaya enən Göztəpə tərəfdarı küncdən bayraq dirəyini alaraq "Altay"ın qapıçısı Ozana hücum edib.
Ozanı vuran azarkeş saxlanılıb. Aldığı zərbələrdən sonra Ozan yerdə qalıb.