Tayson onunla döyüşdən imtina ETDİ

Boks üzrə ağır çəkidə keçmiş dünya çempionu Mayk Taysonla MMA tarixinin ən yaxşı döyüşçülərindən biri Fedor Emelianenko arasında boks görüşü olmayacaq.

Lent.az xəbər verir ki, bu barədə “Sport Express”ə 57 yaşlı Tayson məlumat verib.

“Fedorla döyüş olmayacaq. O, mənim kumirlərimdən biridir”, - deyə əfsanəvi boksçu bildirib.

Emelianenko avqustda Taysonla döyüşmək arzusunda olduğunu bildirib.

Sentyabrda Emelianenkonun Taysonla döyüşmək üçün danışıqlar apardığı və boks məşqlərinə başladığı bildirilib.

Emelianenko sonuncu döyüşünü fevralın 5-də keçirib. İlk raundda amerikalı Rayan Beyderə nokautla uduzub və bundan sonra karyerasını başa vurduğunu elan edib.

Ümumilikdə rusiyalının MMA-da 40 qələbəsi və yeddi məğlubiyyəti var, bir döyüş etibarsız sayılıb.

Tayson peşəkar karyerasını 2005-ci ildə başa vurub. Peşəkar rinqdə 50 qələbə (44 nokautla) qazanıb və altı məğlubiyyət alıb. 2020-ci ilin noyabr ayında o, kiçik Roy Cons ilə sərgi matçında döyüşüb. Döyüş bölünmə qərarı ilə heç-heçə ilə nəticələnib.