Qvardiola “Barselona”ya qayıdır?

"Barselona"nın prezidenti Joan Laporta "Mançester Siti"nin baş məşqçisi Pep Qvardiolanı Xavinin gedişindən sonra Kataloniya klubunun baş məşqçisi postuna əsas namizəd hesab edir.

Lent.az bildirir ki, bu barədə X sosial şəbəkəsində (keçmiş Twitter) El Chiringuito TV məlumat yayıb.

Xatırladaq ki, Xavinin 2023/2024 mövsümünün sonunda "Barselona"dan ayrılmaq qərarı ötən həftə sonu məlum olub. İspaniyalı 2021-ci il noyabrın 6-dan "Barselona"ya rəhbərlik edir. Bu müddət ərzində 44 yaşlı mütəxəssis kataloniyalılarla iki kubok - İspaniya çempionatı və İspaniya Superkubokunu (hər ikisi 2022/2023 mövsümündə) qazanıb.

Qvardiola 2008-2012-ci illərdə "Barselona"da çalışıb. İspan mütəxəssis komandaya üç liqa, Kral Kuboku (iki dəfə), Çempionlar Liqası, UEFA Superkuboku və FIFA Klublararası Dünya Kubokunu qazanmağa kömək edib. "Barselona"dan ayrıldıqdan sonra Qvardiola üç il "Bavariya"da baş məşqçi işləyib. Xosep 2015-ci ildən "Mançester Siti"ni çalışdırır.