“Qəbələ” CƏZALANDIRILDI:  Azarkeşlər  stadiona girə bilməyəcək
03 noyabr 2022 16:18 (UTC +04:00)

“Qəbələ” CƏZALANDIRILDI: Azarkeşlər stadiona girə bilməyəcək

Misli Premyer Liqasının XII turunun “Sabah” – “Qəbələ” oyununda baş verənlərin səbəbkarları cəzalandırılıb.

Lent.az-ın Apasport.az saytına istinadla məlumatına görə, bu barədə qərarı AFFA-nın İntizam Komitəsi verib.

Qurum görüşdə yaşananları müzakirə edərək müvafiq qərarlar çıxarıb. İki klubun azarkeşləri arasında kütləvi şəkildə intizamsızlıq baş verərək iğtişaş törədildiyinə görə “Sabah” və “Qəbələ” hərəyə 4000 manat cərimələnib. 4 futbolçusu sarı vərəqə ilə cəzalanan “Sabah” 800 manat cərimə olunub.

Qonaqların fanatları tərəfindən qaçış zolağına kənar əşyalar atılması bölgə təmsilçisini daha 1600 manat xərcə salıb. Həmçinin “qırmızı-qaralar”ın azarkeşləri tərəfindən stadiona dəymiş ziyan “Qəbələ” klubu tərəfindən tam ödəniləcək. Qonaqlar 73 ədəd plastik oturacağın sıradan çıxarıb.

Azarkeşlərinin törətdikləri ictimai təhlükəli əməllər (iğtişaş törədilməsi, meydana kənar əşyaların atılması və stadiona zərər vuraraq oturacaqların sındırılması) “Qəbələ”yə daha ağır cəzalanmasına səbəb olub. Fanatların stadiona girişinə 1 oyunluq məhdudiyyət qoyulub. Misli Premyer Liqasının XIII turunda keçiriləcək “Qəbələ” – “Zirə” oyununda meydan sahiblərinin arenaya girişi qadağan edilib.

# 1497
avatar

Oxşar yazılar