“Paris Sen-Jermen” “Barselona”nın fransalı hücumçusu Usman Dembeleni alıb.
Lent.az xarici mediaya istinadla bildirir ki, 26 yaşlı futbolçu parislilərlə 2028-ci ilin yayına qədər müqavilə imzalayıb. O, yeni klubunda 23-cü nömrə altında çıxış edəcək. Transferin məbləği barədə məlumat verilmir. Portal Transfermarkt onun dəyərini 60 milyon avro qiymətləndirir.
“PSJ-yə qoşulduğum üçün çox şadam. Ümid edirəm ki, burada irəliləyəcəyəm və azarkeşləri sevindirəcəyəm”, deyə Dembele bildirib. Hücumçu Fransa millisinin heyətində 2018-ci ilin dünya çempionudur. O, üçrənglilərin heyətində 37 matçda 4 qol vurub.
Dembele “Barselona”dan başqa “Renn” və Dortmund “Borussiya”sında da çıxış edib. O, Almaniya kubokunun sahibidir, iki dəfə İspaniya kubokunu və Superkubokunu qazanıb, həm də üç dəfə ölkə çempionu olub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
