Neymar  əməliyyat olundu:   Meydana nə vaxt  qayıdacaq?
03 noyabr 2023 15:08 (UTC +04:00)

Neymar əməliyyat olundu: Meydana nə vaxt qayıdacaq?

Braziliyalıya ön çarpaz bağın zədələnməsi, həmçinin menisküsün cırılması diaqnozu qoyulub.

31 yaşlı Neymar 2026-cı il Dünya Çempionatının seçmə mərhələsində dizindən zədələnib. Braziliya millisi həmin görüşdə Uruqvaya 0:2 hesabı ilə uduzub.

Lent.az-ın xarici mediaya istinadla xəbərinə görə, noyabrın 2-də Neymar Braziliyanın Belu-Oorizonti şəhərində əməliyyat olunub və 6 aydan çox buraxacaq.

Hücumçunu Braziliya millisinin və "Atletiko Mineyro"nun cərrahı Rodriqo Lasmar əməliyyat edib.

Sağalmanın dəqiq şərtləri açıqlanmayıb, lakin ESPN-in verdiyi məlumata görə, Braziliya Futbol Federasiyası hesab edir ki, “Əl-Hilal”ın oyunçusu iyunun 20-də başlayacaq Amerika Kubokuna qayıda bilər. Turnir ABŞ-da baş tutacaq. Yarışda Cənubi Amerikadan 10 komanda ilə yanaşı, KONKAKAF zonasından da 6 komanda iştirak edəcək.

Daha əvvəl braziliyalının 10 ay yaşıl meydanlardan uzaq qalacağı bildirilirdi.


 

1 2 3 4 5 İDMAN XƏBƏRLƏRİ
# 3333
avatar

Oxşar yazılar