"Fənərbağça"nın baş məşqçisi Joze Mourinyo Səudiyyə Ərəbistanının "Əl-Əhli" klubundan icarə əsasında Türkiyə klubunda çıxış edən cinah yarımmüdafiəçisi Allan Sen-Maksimin haqda danışıb.
Lent.az xəbər verir ki, Mourinyo 28 yaşlı futbolçunu Avropa Liqasının “Reyncers”ə səfəri zamanı heyətdən kənarlaşdırıb. Nəticədə Sen-Maksimin Mourinyonun ona qarşı vicdansız olduğunu ifadə edib. Fransız futbolçu sosial şəbəkədə yazıb:
“Yalanlar liftə minəndə, həqiqət pilləkənlərlə qalxır. Daha çox vaxt aparacaq, amma o, gec-tez ora çatacaq”.
Mourinyo, oyunçunun şərhi ilə bağlı suala cavab verməyib:
“Sent-Maksiminin şeir istedadı olduğunu bilmirdim. Mən də bu işdə kifayət qədər yaxşıyam. Futbolçu çox çalışdıqda və hər gün məşq etdikdə, sağlam olacaq və pilləkənləri çıxa biləcək. Onun liftdən istifadə etməsinə ehtiyac yoxdur. Amma əgər futbolçu yaxşı məşq etmirsə, gecikirsə, artıq çəkisi varsa və oynamağa hazır deyilsə, o zaman liftdən istifadə etməlidir, çünki pilləkənlərdə tez yorulacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
