Messi ən yaxşı oyunçu seçilə bilməyəcək

MLS-in rəsmi saytında müntəzəm mövsümün nəticələrinə əsasən fərdi mükafatlara namizədlərin adları açıqlanıb.

Lent.az-ın xarici mediaya istinadla xəbərinə görə, "İnter Mayami"nin argentinalı hücumçusu Lionel Messi MLS-in Ən Dəyərli Futbolçu mükafatı üçün qısa siyahıya daxil edilməyib. Əvvəllər 36 yaşlı futbolçu 30 namizəddən ibarət genişlənmiş siyahıya daxil edilsə də, finala yüksələ bilməyib.

Müntəzəm mövsümün bombardiri “Los-Anceles”in qabonlu hücumçusu Denis Buanqa, həmçinin Messinin həmyerliləri “Tsinsinnati”dən Lusiano Akosta və “Atlanta Yunayted”dən Tyaqo Almada mübarizə aparacaq.

Buna baxmayaraq, Messi MLS ən yaxşı yeni gələn oyunçu mükafatına son üç namizəd arasındadır. O, mükafat uğrunda "Atlanta Yunayted"in yunan hücumçusu Georgios Yakumakis (27 oyunda 17 qol) və “Sent-Luis” klubunun almaniyalı yarımmüdafiəçisi Eduard Leven (29 oyunda 6 qol və 13 məhsuldar ötürmə) ilə mübarizə aparacaq.

Messi ötən yay azad agent kimi "İnter Mayami"yə keçib. MLS-in müntəzəm mövsümündə o, altı oyun keçirib, bir qol vurub və iki məhsuldar ötürmə edib. Çempionatın yekun cədvəlində onun komandası 29 komanda arasında 27-ci yerdə qərarlaşıb.