Messi "Barselona"nın azarkeşlərinə VƏD VERDİ: "Sizi yenidən görəcəyik"

Argentinalı hücumçu "İnter Mayami"nin futbolçusu Lionel Messi karyerasının böyük hissəsini keçirdiyi "Barselona"nın azarkeşlərinə müraciət edib.

Lent.az xarici mediaya istinadla bildirir ki, Messi müraciətində keçmiş azarkeşləri üçün darıxdığını deyib:

“Mən sizin üçün çox darıxıram və ümid edirəm ki, tezliklə sizi yenidən görəcəyik. Dünyanın ən yaxşı klubunun bir hissəsi olmaqdan qürur duymalısan”.

Messi "Barselona"nın məzunudur. O, 2003-2021-ci illərdə əsas komandanın tərkibində çıxış edib. Bu müddət ərzində o, 835 oyun keçirib və 709 qol vurub. Messi "Barselona" ilə dörd dəfə Çempionlar Liqasının qalibi, 2022-ci ildə Argentina millisi ilə Dünya Kubokunun, iki dəfə Amerika Kubokunun, 8 dəfə "Qızıl top"un qalibi olub.

2021-ci ildə argentinalı Fransanın PSJ-yə, 2023-cü ilin yayında isə MLS-də çıxış edən “İnter Mayami”yə keçib.