Məğlubedilməz amerikalı boksçu Cervonta Devis məişət zorakılığı ittihamı ilə həbs edilib.
Lent.az-ın xarici mediaya istinadla xəbərinə görə, 28 yaşlı idmançı dekabrın 27-də Florida ştatında saxlanılıb. Hadisənin digər təfərrüatları barədə məlumat verilmir.
Devisin növbəti döyüşü yanvarın 7-nə planlaşdırılıb. O, Dünya Boks Assosiasiyasının (WBA) yüngül çəki dərəcəsində titulunu qoruyacaq. Onun rəqibi dominikanlı Ektor Luis Qarsiya olmalıdır - WBA versiyasına görə ikinci yüngül çəkidə dünya çempionu. Beləliklə, Qarsiya çəki kateqoriyasını dəyişəcək.
Devis əvvəllər də həbs edilib. 2020-ci ildə o, basketbol oyunu zamanı keçmiş sevgilisini döyməkdə günahlandırılsa da, boksçu özünü təqsirli bilməyib.
Ümumilikdə, Devis karyerasında 27 döyüş keçirib və bir dəfə də olsun məğlubiyyətlə üzləşməyib. 25 döyüşdə nokautla qalib gəlib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
