PSJ-nin baş məşqçisi Luis Enrike hücumçu Kilian Mbappe ilə bağlı vəziyyətə görə klubu tərk etməyi düşünür.
Lent.az-ın xarici mediaya istinadla məlumatına görə, məşqçi klubdan siqnallar alır ki, hücumçu bu yay satışa razılıq verməsə, Mbappeyə arxalana bilməyəcək. Çox güman ki, futbolçu heyətdən kənarlaşdırılacaq.
Həmçinin ispaniyalı mütəxəssisin qərarına idman müşaviri Luis Kamposun komandanı tərk etməsi də təsir edə bilər. Enrike 2023-cü ilin iyulundan PSJ-yə rəhbərlik edir. Onun müqaviləsi iki illikdir.
Ötən ilin mayında mətbuatda Mbappenin PSJ ilə 2024-cü ilin yayına qədər qüvvədə olan yeni müqavilə imzaladığı barədə məlumatlar yayılmışdı. Eyni zamanda, digər mənbələr futbolçunun artıq “Real” ilə müqavilə imzaladığını bildirib. Nəticədə İspaniya klubuna yüksək səs-küylü keçid baş tutmayıb.
Ötən mövsüm PSJ 38 turda 86 xalla Fransa Liqa 1-in qalibi olub. Mbappe 34 oyunda iştirak edib, 29 qol vurub və 5 məhsuldar ötürmə edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
