“Marsel”in “Qarabağ” önündə şansları açıqlandı

“Marsel”in Konfrans Liqasının pley-off mərhələsində “Qarabağ” önündə şansları açıqlanıb.

Apasport.az saytının məlumatına görə, Fransa klublarının avrokubokdakı təmsilçilərinin şanslarını dəyərləndirən yerli mətbuat ən çox üstünlüyü məhz “Marsel”ə verib.

Yerli KİV-in fikrincə, Liqa1 təmsilçisi Azərbaycan klubunu keçməyə borcludur: “Püşkatma “Marsel” üçün ağır olmadı. Xorxe Sampaolinin yetirmələrinin “Qarabağ”a qalib gəlmək şansı 70 faizdir. Təbii ki, rəqib Avropa arenasına öyrəşib. Ancaq digər tərəfdən, çempionatları zəif olduğundan, qarşılarına əsl rəqib çıxmır. “Qarabağ” bu mövsüm çempionatda cəmi bir dəfə, Konfrans Liqasında isə yalnız “Bazel”lə (0:3) görüşdə məğlub olub”.

Fransızlar “Qarabağ”ı ciddi rəqib saymasa da, uzun səfərin onlara çətinlik yarada biləcəyindən ehtiyatlanır: “Yeganə çətinlik səfərlə bağlıdır. İlk oyunda yaxşı nəticə olmasa, “Marsel” Azərbaycan liderinin tələsinin ona yaxınlaşdığını görəcək. Bir sözlə, “Marsel”in bu rəqibi məğlub edəcək silahları var. Avropa Liqasındakı səhvləri təkrarlamamaq üçün diqqətli olmaq lazımdır”.

Qeyd edək ki, “Marsel”lə “Qarabağ” arasında ilk oyun fevralın 17-də “Velodrom” stadionunda keçiriləcək.

lent az lent.az xeberler xəbərlər ulduz fali mezenne son xeberler son xeber bürclər burcler günlük bürclər gunluk burcler lent.az xeber lent.az xeberler futbol "Qarabağ"

İDMAN XƏBƏRLƏRİ