"Liverpul" 2021/22 maliyyə ili üçün maliyyə hesabatını açıqlayıb.
Lent.az-ın xarici mediaya istinadən xəbərinə görə, klubun media hüquqlarından əldə etdiyi gəlir ötən illə müqayisədə 5 milyon funt-sterlinq azalaraq 261 milyon funt-sterlinqə düşüb. Buna səbəb əvvəlki hesabat dövründə komandanın koronavirus pandemiyası səbəbindən sonrakı tarixlərə təyin edilmiş bir neçə oyun keçirməsidir.
Oyun günü gəliri pandemiya məhdudiyyətlərinin aradan qaldırılması ilə əlaqədar olaraq 83 milyon funt-sterlinq artaraq 86 milyon funt-sterlinqə yüksəlib.
Kommersiya gəliri 29 milyon funt-sterlinq artaraq 247 milyon funt-sterlinqə yüksəlib, bunun səbəbi ortaqlıqların əhəmiyyətli dərəcədə artması və oyun olmayan günlərdə əməliyyatların bərpası olub.
Klubun ümumi gəliri 107 milyon funt-sterlinq artaraq 594 milyon funt-sterlinqə yüksəlib.Vergilər ödənilməzdən əvvəl mənfəəti 7,5 milyon funt-sterlinq olub.