Keçmiş dünya çempionu rinqə qayıtmaq istəyir

Əmir Xan peşəkar karyerasını davam etdirmək üçün yenidən rinqə çıxmağa hazırlaşır.

Lent.az-ın xarici mediaya istinadla xəbər verir ki, bunu 2004-cü il Olimpiya Oyunlarının gümüş mükafatçısı, həmçinin yarım ağır çəkidə keçmiş dünya çempionu özü deyib.

36 yaşlı britaniyalı idmançı gələn həftə rinqə qayıdacağını rəsmən elan edəcəyini açıqlayıb. Eyni zamanda keçmiş çempion belə səxavətli təklifdən imtina edə bilməyəcəyini bildirib.

“Düşünürəm ki, gələn həftə böyük bir elan olacaq. Bəlkə də yenidən rinqə qayıdacam. Yenidən döyüşə bilərəm. Bu kiçik döyüş olmayacaq, super döyüş olacaq.

Müqavilə o qədər böyük idi ki, ondan imtina edə bilməzdim. Ona görə də yenidən idman zalına qayıdacağam, yenidən məşq edəcəm. Bu, böyük bir döyüş olacaq. Biz bunu hələlik gizli saxlayırıq”, – Xan Dubayda boks yarışında çıxış edərkən deyib.

Xatırladaq ki, Əmir Xan 2022-ci ilin mayında Kell Bruka uduzduqdan sonra karyerasını başa vurub.