Fyuri və Usik arasında döyüş dekabrın 23-də baş tutmayacaq

Azarkeşlər bu il ağır çəkidə şəksiz dünya çempionu titulu uğrunda döyüş gözləməməlidirlər.

Lent.az-ın xarici mətbuata istinadla xəbərinə görə, məşhur promouter Kalle Zauerland belə düşünür.

Funksionerin sözlərinə görə, WBC dünya çempionu britaniyalı ukraynalı ilə döyüşünün təşkili prosesini yenidən ləngidir.

"Fyuri-Usık döyüşü dekabrın 23-də olmayacaq. Gəlin buna aldanmayaq. Dekabrda döyüşməyəcəklər. İndi Tayson qalanın kralıdır. Onun öz yolu var və ona görə Hrqoviçlə bağlı vəziyyət biz də əziyyət çəkirik. Tayson başqa heç kimə əhəmiyyət vermir, çünki o, indi olduğu yerə çatmaq üçün etməli olduğu şeyi etdi, mən bunu başa düşürəm.

O, Nqannu ilə döyüşəcək, çixlu pul qazanacaq və sonra həftələrlə bunu qeyd edəcək. Taysonun etdiyi budur. Sonra Milad tətilləri başlayacaq. Fyuri ailəsi ilə gözəl vaxt keçirəcək, bir-iki içki içəcək, bir tikə hinduşka yeyəcək. Sonra o, yanvar ayında bir neçə əlavə kilo ilə oyanacaq. Taysonun hər zaman geniş təlim-məşq toplanışı olur. Ona görə də gələn il bu döyüşü görürəm”, - Zauerland deyib.

Xatırladaq ki, Fyuri ilə Nqannu arasında döyüş oktyabrın 28-də Səudiyyə Ərəbistanının paytaxtı Ər-Riyadda baş tutacaq. Britaniyalının Usık ilə döyüşünün dekabrın 23-ü və ya 2024-cü ilin yanvarında təşkil olunması planlaşdırılır.