Üçqat Böyük Dəbilqə çempionu, dünyanın bir nömrəsi, belaruslu tennisçi Arina Sobolenko sosial şəbəkələrdə Dubaydan (BƏƏ) təzə fotolar yayıb.
Lent.az-ın xarici mediaya istinadla xəbərinə görə, o, gözəl qısa şokolad rəngli paltarda pozalar verib.
Bu günlərdə Arina Sobolenko və digər yüksək səviyyəli oyunçular Birləşmiş Ərəb Əmirliklərində (BƏƏ) mövsümöncəsi hazırlıq keçirlər.
Sobolenko 2024-cü il mövsümünü WTA yekun çempionatında başa vurub. Arina gələcək çempion amerikalı Kori Quffa 6:7 (4:7), 3:6 hesabı ilə uduzduğu bu turnirdə yarımfinala yüksəlib.
2024-cü ildə Sobolenko iki “Böyük dəbilqə” turnirinin (Australian Open və US Open), həmçinin WTA səviyyəsində iki turnirin (Cincinnati və Wuhan) qalibi olub. Arina karyerasında ilk dəfə WTA “Player Awards”a görə ilin oyunçusu seçilib. O, həmçinin qadın tennisini fədakarlığına və təbliğinə görə WTA mükafatını alıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
