PSJ-nin yarımmüdafiəçisi Leandro Paredes İtaliyanın “Roma” klubuna keçib.
Lent.az xarici mediaya istinadən xəbər verir ki, hazırkı dünya çempionu ilə iki mövsümlük müqavilə imzalanıb.
“Romaya qayıtmaq həmişə həyəcanlıdır və Roma forması ilə oynamaq daha maraqlıdır. Azarkeşlərə məni qəbul etdikləri üçün və kluba məni Avropa karyerama başlayan komandaya qaytardıqları üçün təşəkkür edirəm.
Keçən il Dünya Kubokunu qazandığım üçün böyük sevinc yaşadım, amma indi qalib gəlməkdə davam etmək istəyirəm və əminəm ki, “Roma” ilə bunu bacaracağam”, deyə futbolçu bildirib.
29 yaşlı Paredes 2014-2017-ci illərdə “Roma”da çıxış edib və oradan “Zenit”ə keçib. Daha sonra “Yuventus” və PSJ-də çıxış edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
