Rusiyanın ÇSKA futbol klubunun və SSRİ yığmasının sabiq müdafiəçisi Vladimir Ponomarev futbolçuların maaşlarının azaldılmasını təklif edib.
Lent.az-ın yerli mediaya istinadla məlumatına görə, Ponomarev təklif edib ki, Rusiya Futbol İttifaqı yerli futbolçular üçün ayda 10 min dollardan çox olmayan maaş təyin etsin.
“Bir milyon rubl niyə onlara kifayət etmir? Onlar 18 yaşında çılğın pul alırlar və bununla nə edəcəklərini bilmirlər”, - deyə o, mövqeyini izah edib.
Keçmiş futbolçu karyerası ərzində 300 rubl, "Volqa" markalı avtomobilini isə 6 min rubla aldığını xatırladıb. “Heç nə, birtəhər yaşadıq, gəzdik. Təbii ki, maşına qənaət etmək demək olar ki, mümkün deyildi. İndi də istənilən maşını dərhal alırlar. Heç yerdə belə lənətə gəlmiş maaş yoxdur!” deyə Ponomarev qeyd edib və narazıların daha yüksək maaşlar üçün Qərbə getməsini təklif edib: “Maaşları azaldıldığı təqdirdə onların üzülmələri məni maraqlandırmır”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
