Futbol üzrə Almaniya kubokunun 1/16 final mərhələsində “Saarbrüken” öz meydanında “Bavariya”nı 2:1 hesabı ilə məğlub edib.
Lent.az xəbər verir ki, meydan sahiblərinin qollarını Patrik Sonteymer (45+1) və Marsel Qaus (90+6) vurublar. Qonaqların yeganə qoluna isə Tomas Müller (16) imza atıb.
Qeyd edək ki, “Saarbrüken” Almaniya çempionatının üçüncü divizionunda çıxış edir. Klub hazırda 20 komanda arasında 15-ci yerdədir. “Saarbrüken” mövsümün əvvəlindən çempionatda 11 turda cəmi 3 qələbə qazanıb.
Bu məğlubiyyətlə, həmçinin “Bavariya”nın 13 matçlıq məğlubiyyətsizlik seriyası (11 qələbə, 2 heç-heçə) qırılıb. Münxen təmsilçisi sonuncu dəfə avqust ayında Almaniya Superkuboku matçında “Leypsiq”ə məğlub olmuşdu - 0:3.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
