"Barselona" pul qazanmaq üçün Cənubi Amerikada oyun keçirə bilər

"Barselona" son illərdə maliyyə çətinlikləri ilə üzləşməyə davam edir və müxtəlif "rıçaqlar" vasitəsilə vəsait toplamaq cəhdləri uzun müddətdir ki, zarafat mövzusu olub.

Lent.az bildirir ki, İspaniya mediasının xəbərinə görə, Kataloniya klubunun maliyyə vəziyyətini yaxşılaşdırmasının yeni yollarından biri Perudan təklif ola bilər.

Yerli klublardan biri "Barselona"nı yoldaşlıq oyunu üçün ziyarətə dəvət edib və bunun üçün 7-8 milyon avro məbləğində qonorar vəd edir.

Perulular bu yolla ölkələrində futbolu populyarlaşdırmağa ümid edirlər. Oyunun özü "Barselona"nın dekabrın 21-də keçirilməsi planlaşdırılan "Vilyarreal"la oyunundan sonra baş tuta bilər.