Türkiyədə çimərlik güləşi üzrə mövsümə yekun vurulub.
APA xəbər verir ki, Muğla bölgəsinin Sarıgerme qəsəbəsində keçirilən Dünya Seriyasının final mərhələsində İbrahim Yusubov (90 kiloqram) gümüş medal qazanıb. Ramiz Həsənovla (70 kiloqram) Oyan Nəzəriani (+90 kiloqram) isə 4-cü yeri tutub.
Seriyanın 5 mərhələsinin yekununa əsasən, 90 kiloqramda hamıdan çox xal toplayan İ. Yusubov titulunu qoruyub və ardıcıl 2-ci dəfə dünya çempionu olub.
Öncəki dünya çempionatlarında qızıl və gümüş medal qazanmış Oyan Nəzəriani medal kolleksiyasını tamamlayıb və bu dəfə bürünc medala sahib çıxıb. Ramiz Həsənov (70 kq) isə yekunda 4-cü yeri tutub.
Qeyd edək ki, çimərlik güləşi üzrə millinin baş məşqçisi kimi də fəaliyyət göstərən Oyan Nəzəriani bu yarışda idmançı karyerasını başa vurub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
