“Mançester Yunayted” klubunun sabiq futbolçusu Robin van Persi maraqlı açıqlama verib.
Lent.az-ın məlumatına görə, o, keçmiş komandasının hücum xəttinin gücləndirilməli olduğunu bildirib.
Van Persinin fikrincə, “mankunianlar” PSJ-nin formasını geyinən Edinson Kavanini heyətinə qatmalıdır: “Mən olsaydım, heç düşünmədən Kavani ilə müqavilə bağlayardım. O, əla formadadır. Edinson anadangəlmə bombardirdir. Bunu həm “Napoli”, həm də PSJ-də isbatlayıb. Kavani vurduğu qollarla yaşayır. Hər bir klub bu cür hücumçusunun olmasını istəyər”.
Qeyd edək ki, Robin van Persi 2012-2015-ci illərdə “Mançester Yunayted”in formasını geyinib. O, “qırmızı şeytanlar”ın heyətində 105 oyunda 58 qola imza atıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
