Sisinyo 2006-cı ildə "Real"ə qoşulub. O, klubla İspaniya liqasının titulunu qazanıb və mövsümdən sonra "Roma"ya keçib.
Lent.az-ın xarici mediaya istinadən məlumatına görə, braziliyalı müdafiəçi karyerası boyunca yeniyetməlik illərində başlayan alkoqol asılılığı ilə mübarizə aparıb.
"Real"a qoşulanda düşünürdüm: "Mükəmməl, indi əbədi əylənə bilərəm". Səhər saat dörddə yatıb səkkizdə artıq sərxoş məşq edirdim. Fabio Kapello bunu hiss etmirdi, çünki mən yaxşı oynayırdım", - braziliyalı bildirib.
Sisinyo ilk dəfə 13 yaşında spirtli içki içib.
"Özümü spirtli içki ilə məhv etdim. "Roma"da oynayanda bir gündə 70 şüşə pivə və 15 Kaypirinya içmişdim. 13 yaşımda pivə içdim və bir qadına aşiq olduğum kimi ona aşiq oldum", - müdafiəçi etiraf edib.
Sisinyo 2009-cu ildə diz zədəsi alıb. Məhz o zaman ilk dəfə alkoqolizmi barədə düşünməyə başlayıb.
Hazırda braziliyalı San-Pauluda yaşayır, televiziya şərhçisi kimi çalışır və bir neçə ay əvvəl dini yoluna yevangelist pastor kimi başlayıb.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
