Azərbaycan yığması üçün ilk dünya çempionatında daha 2 lisenziya imkanı
Lent.az-ın məlumatına görə, 70-dən çox ölkənin qatılacağı nüfuzlu yarışda ilk dəfə Azərbaycan da təmsil olunacaq.
Aleksandr Aleksandrov kişilər arasında 1 nəfərlik qayıqla, Nataliya Mustafayeva qadınlar arasında 1 nəfərlik qayıqla 2000 metr məsafəyə yürüşlərə qatılacaq. Hər iki tip qayıq olimpiya təyinatlıdır. Yəni, Aleksandrov ilk “11-liy”ə, Mustafayeva ilk “9-luğ”a düşəcəyi halda, London olimpiadasına lisenziya qazanacaq. Kişi avarçəkənimizin 35, qadın avarçəkənimizin 19 rəqibi olacaq. Kamal Məmmədov isə qeyri-olimpiya tipli - 1 nəfərlik yüngül çəkili qayıqla yarışacaq. O, 17 idmançıya qarşı çıxış edəcək. Ehtiyat avarçəkən qismində Sloveniyaya İskra Angelova aparılıb. 1 nəfərlik qayıqda yer alacaq Angelova avqustun 29-dan ehtiyat idmançılar üçün startı veriləcək yürüşlərə qatılacaq. O, Mustafayevanın əvəzləyicisi sayılır.
Avarçəkənlərimiz dünya çempionatına Almaniyada hazırlaşıblar. Onlar təlim-məşq toplantıları və müxtəlif yarışlarda qüvvələrini sınayıblar. 26 yaşlı Mustafayeva Dünya Kubokunun II və III mərhələlərində 6-cı yeri tutub. 21 yaşlı Aleksandrov isə Dünya Kubokunun II mərhələsində və 23 yaşadək akademik avarçəkənlər arasında dünya çempionatında 7-ci olub. Dünya çempionatına sentyabrın 4-də yekun vurulacaq.
Qeyd edək ki, ötən həftə Macarıstanın Seqed şəhərində kayak və kanoe qayıqlarında avarçəkmə üzrə dünya çempionatı keçirilib. Kanoe növündə Valentin Demyanenko və Sergey Bezuqlıy – Maksim Prokopenko dueti 2012-ci il London Yay Olimpiya Oyunlarına vəsiqə əldə edib.
Aleksandr Aleksandrov kişilər arasında 1 nəfərlik qayıqla, Nataliya Mustafayeva qadınlar arasında 1 nəfərlik qayıqla 2000 metr məsafəyə yürüşlərə qatılacaq. Hər iki tip qayıq olimpiya təyinatlıdır. Yəni, Aleksandrov ilk “11-liy”ə, Mustafayeva ilk “9-luğ”a düşəcəyi halda, London olimpiadasına lisenziya qazanacaq. Kişi avarçəkənimizin 35, qadın avarçəkənimizin 19 rəqibi olacaq. Kamal Məmmədov isə qeyri-olimpiya tipli - 1 nəfərlik yüngül çəkili qayıqla yarışacaq. O, 17 idmançıya qarşı çıxış edəcək. Ehtiyat avarçəkən qismində Sloveniyaya İskra Angelova aparılıb. 1 nəfərlik qayıqda yer alacaq Angelova avqustun 29-dan ehtiyat idmançılar üçün startı veriləcək yürüşlərə qatılacaq. O, Mustafayevanın əvəzləyicisi sayılır.
Avarçəkənlərimiz dünya çempionatına Almaniyada hazırlaşıblar. Onlar təlim-məşq toplantıları və müxtəlif yarışlarda qüvvələrini sınayıblar. 26 yaşlı Mustafayeva Dünya Kubokunun II və III mərhələlərində 6-cı yeri tutub. 21 yaşlı Aleksandrov isə Dünya Kubokunun II mərhələsində və 23 yaşadək akademik avarçəkənlər arasında dünya çempionatında 7-ci olub. Dünya çempionatına sentyabrın 4-də yekun vurulacaq.
Qeyd edək ki, ötən həftə Macarıstanın Seqed şəhərində kayak və kanoe qayıqlarında avarçəkmə üzrə dünya çempionatı keçirilib. Kanoe növündə Valentin Demyanenko və Sergey Bezuqlıy – Maksim Prokopenko dueti 2012-ci il London Yay Olimpiya Oyunlarına vəsiqə əldə edib.
386