“Qəbələ” Londonda

“Qəbələ” futbol klubu 2011/2012 mövsümünə hazırlığın ikinci mərhələsini keçirmək üçün iyulun 18-də birbaşa reyslə İngiltərənin paytaxtı Londona yollanıb. Klubun mətbuat xidmətindən Lent.az-a verilən məlumata görə, kollektiv “Village London-Elstree” otelində məskunlaşıb.

Səfərə çıxan heyətdə 20 futbolçu yer alıb:

Qapıçılar: Pavel Doroşev, Anar Nəzirov

Müdafiəçilər: Lyubo Baranin, Saşa Yunisoğlu, Mahir Şükürov, Nodar Məmmədov, Vurğun Hüseynov, Sergey Sokolov

Yarımmüdafiəçilər: Daniel Kruz, Aleksandr Çertoqanov, Aldulkader Kamara, Arif İsayev, Yaşar Abuzərov, Dudu, Rövşən Əmiraslanov

Hücumçular: Deon Barton, Murad Hüseynov, Viktor Mendi, Tərzin Cahangirov və Nuran Qurbanov.

Baş məşqçi Toni Adams da daxil olmaqla, müdafiəçi Stiv Olferslə yarımmüdafiəçi Bruno da Silva komandaya Londonda qoşulacaqlar.

Dörd ilduzlu “Village London-Elstree” oteli Londona aid olan Elstri şəhərinin mərkəzində yerləşir. Otelin nəzdində sağlamlıq klubu, örtülü hovuz və trenajor zalı fəaliyyət göstərir. Təlim-məşq toplanışı iyulun 28-də başa çatacaq. Hazırlıq çərçivəsində “Qəbələ” bu komandalarla yoxlama görüşləri keçirəcək:

20 iyul – “Barnet” FC

23 iyul – “Bishop Stortford”

24 iyul – “Saint Albans”

26 iyul – “Hayes&Yeading”

27 iyul – “Luton Town”.