AXA MBASK-ın boulinq üzrə kuboku öz sahibini tapdı

İyun ayının 5-də AXA MBASK Sığorta Şirkətinin kuboku uğrunda boulinq üzrə növbəti turnir baş tutdu. Yarışmada 60-a yaxın komanda, o cümlədən, KİV-i, bankları, xarici və yerli şirkətləri təmsil edən komandalar iştirak edib.

Turnir Bakı Əyləncə Mərkəzində keçirilib və 4 turdan ibarət olub. Səkkiz saat sürən fasiləsiz mübarizə nəticəsində finalda iki partiyada ən çox xal toplayan “AKABE İnşaat” şirkətinin komandası birinci yerə çıxıb. İkinci və üçüncü yerləri “Rövşən Oğuz MMC” və Unibank komandaları tutublar.

Turnirin qalibləri yarışmanın sponsorları olan AXA MBASK, “Bolşoy Prazdnik” və “BİSMAK” şirkətləri tərəfindən qiymətli hədiyyələr əldə edilər.

Turnirin hamıdan çox xal toplamış ən yaxşı oyunçusu - “AKABE İnşaat” komandasının üzvü Unibank-dan 1000 AZN alıb.

Qeyd etmək lazımdır ki, AXA MBASK-ın Kuboku uğrunda boulinq üzrə illik turnir müştərilərin loyallığının artırılması proqramı çərçivəsində keçirilir və ildən ilə bu yarış respublikada daha da populyar olur.

İştirakçılar, KİV və sponsorlar tərəfindən artan maraq belə güman etməyə əsas verir ki, “AXA MBASK Kuboku” artıq AXA MBASK müştəriləri, işgüzar tərəf-müqabilləri və sadəcə dostları arasında boulinq üzrə ümumşəhər birinciliyi xarakteri alıb.

Maliyyə müdafiəsi sahəsində dünya lideri olan AXA Group dünyanın 57 ölkəsində, o cümlədən daha çox Avropa, Şimali Amerika, Yaxın Şərq və Asiya-Sakit okean bölgələrində fəaliyyət göstərir.

Bu gün 90 milyard avroluq gəlirlə və 3,5 milyard avroluq mənfəətlə AXA Group dünyanın ən iri sığorta şirkətlərinin reytinq cədvəlində birinci yerdə durur və maliyyə yatırımlarının sığortası sahəsində öncüllərdən biridir. 2011-ci ilin əvvəlində qrupun işçi sayı 210 mindən artıq, bütün dünyada müştərilərinin sayı isə 96 milyon təşkil edib. Nüfuzlu “AM Best” maliyyə agentliyinin məlumatına əsasən, 2009-cu ilin yekunlarına görə AXA xalis mükafatların həcminə görə dünyanın bir nömrəli sığortaçısı olub.