Türkiyə Belçika ilə oyunda qələbə qazana bilmədi

Lent.az-ın Türkiyənin “NTV” telekanalına istinadən verdiyi məlumata görə, hesabı birinci hissənin 4-cü dəqiqəsində Belçika komandası açıb.

Türkiyə millisinin qapısından topu Ogunjimi keçirib. Erkən qola baxmayaraq, Türkiyə komandası oyunun 22-ci dəqiqəsində istəyinə çatıb. Arda Turanın ötürməsini Burak qola çevirib. İkinci hissənin 74-cü dəqiqəsində isə Arda Belçika komandasının oyunçusu Mertensin qarşısını kobudluqla aldığı üçün Türkiyə komandasının qapısına 11 metrlik cərimə zərbəsi təyin edilib. Ancaq Rizzolinin vurduğu top qapının üstündən keçib.

Bu oyunda Türkiyə millisinin qapıçısı Volkan Dəmirəl də diqqət çəkən oyunu ilə seçilib. O, oyunun 46-cı dəqiqəsində Belçika komandasının oyunçusu Hazardın, 79-cu dəqiqədə Mertensin güclü zərbələrini böyük ustalıqda dəf edərək qola izn verməyib.

Bununla da A qrupunda ikinci yer uğrunda mübarizə aparan Türkiyə milli komandası səfər oyununda vacib 1 xalı qazanıb.