“Qafqaz” dünyaya qalib gəldi
12 may 2011 11:27 (UTC +04:00)

“Qafqaz” dünyaya qalib gəldi

Lent.az-ın məlumatına görə, görüş meydan sahiblərinin qələbəsi ilə nəticələnib – 5:2.

Oyun Çeçenistan paytaxtında Əhməd Kadırov adına 30 min nəfərlik stadionun açılışına həsr olunub. Futbolçular hər biri 30 dəqiqədən ibarət 2 hissə oynayıblar. Dieqo Maradonanın kapitanlıq sarğısı daşıdığı dünya yığmasının heyətində Luiş Fiqu, Roberto Ayala, İvan Samorano, Alen Boqossyan, Stiv Makmanaman, Franko Barezi və digər məşhur futbolçular yer alıb. Robbi Fauler və Fabyen Bartez kimi əfsanəvi oyunçular isə Qroznıya gəlsələr də, meydançaya çıxmayıblar. “Qafqaz” komandasında Rusiyanın müxtəlif regionlarından olan futbolçular, habelə məmurlar çıxış edib. Qapını Rinat Dasayev qoruyub.

Hesabı 13-cü dəqiqədə İvan Samorano açıb. 5 dəqiqə sonra Dieqo Maradona meydan sahiblərini ikinci dəfə məyus edib. Lakin qalan vaxt ərzində qonaqlar qol vura bilməyiblər. Əvəzində “Qafqaz”ın heyətində Anzor İsmayılov, Timur Cəbrayılov, Andrey Fedkov və “dubl” edən Zaur Sadayev fərqlənib.

Qeyd edək ki, martın 8-də Ramzan Kadırovun komandası 2002-ci ilin Braziliya yığması ilə görüşüb. Həmin vaxt meydan sahibləri uduzublar – 4:6.
# 609

Oxşar yazılar