Unibank Premyer Liqası: Əvvəlcə zəiflər, sonra güclülər

Lent.az-ın məlumatına görə, oyunlar həftəsonu yox, mayın 12-də və 13-də keçiriləcək.
İlk oyun günündə ikinci “6-lığ”ın, ertəsi gün isə ilk “6-lığ”ın görüşləri baş tutacaq. Turun 6 matçından 4-ü əyalətlərdə olacaq. Bakıdakı “Muğan” – MOİK və “İnter” – AZAL oyunları “Şəfa” stadionuna təsadüf edəcək. Saat 19:00-da başlanacaq “İnter” – AZAL qarşılaşması Avropa kuboklarına vəsiqə şansı verən 4-cü pillə uğrunda mübarizə baxımından önəmlidir. Gümüş medal uğrunda mübarizə aparan “Xəzər Lənkəran” “Bakı”nı, “Qarabağ” isə Ağdamdakı Quzanlı Olimpiya Kompleksinin stadionunda çempion “Neftçi”ni qəbul edəcək. Lakin bu oyunlar eyni saatda başlamayacaq. Ağdamdakı görüşə saat 15:00-da, Lənkərandakı qarşılaşmaya saat 18:30-da start veriləcək.

12 may (cümə axşamı)

16:00. “Muğan” (Salyan) – MOİK (Bakı)
“Şəfa” stadionu.

16:00. “Gəncə” – “Qəbələ”
Gəncə şəhər stadionu.

16:00. “Turan” (Tovuz) – “Simurq” (Zaqatala)
Tovuz şəhər stadionu.

13 may (cümə)

18:30. “Xəzər Lənkəran” – “Bakı”
Lənkəran şəhər mərkəzi stadionu.

19:00. “İnter” (Bakı) – AZAL (Bakı)
“Şəfa” stadionu.

15:00. “Qarabağ” (Ağdam) – “Neftçi” (Bakı)
Ağdam rayonu, Quzanlı Olimpiya İdman Kompleksinin stadionu.