AFFA-dan “Xəzər Lənkəran” klubunun rəsmilərinə sərt cəza

Lent.az-ın məlumatına görə, səbəb kimi klubun hər iki rəsmisinin “Bakı” ilə NBC Bank Azərbaycan Kubokunun yarımfinal mərhələsinin cavab görüşündən sonra hakimləri təhqir etmələri göstərilib.

Nadirovla Mustafayev 5 oyunluq diskvalifikasiyaya, klub isə 10 min manat cəriməyə məruz qalıb. Unibank Premyer Liqasının XXX turunda “Simurq”la matçda MOİK-in 4 futbolçusu sarı vərəqə alıb. Buna görə ordu klubu min manat ziyana düşüb. Oyunun 29-cu dəqiqəsində “Simurq”un futbolçusu Əli Bağırov əllə oyuna görə ikinci sarı vərəqə alaraq meydandan kənarlaşdırılıb. Bu isə Bağırova 1 oyunluq cəza, klubuna isə 200 manat cərimə bahasına başa gəlib.

“Turan”la matçda “Qəbələ”nin 4 futbolçusu sarı vərəqə ilə cəzalandırılıb. Bu səbəbdən, “Qəbələ” də min manat cərimələnib. “Gəncə” ilə qarşılaşmada isə “Muğan”ın 5 futbolçusuna xəbərdarlıq edilib. Nəticədə Salyan klubuna min manat cərimə kəsilib. Oyunun 86-ci dəqiqəsində “Gəncə”nin futbolçusu Ramal Hüseynov əllə oyuna görə ikinci sarı vərəqə alaraq meydandan kənarlaşdırılıb. Hüseynov 1 oyunluq cəzalandırılıb, klubu 200 manat cərimələnib.