4 kanoeçimiz Dünya Kubokunun əsas finalında!

Lent.az-ın məlumatına görə, üç gün davam edəcək yarışda Azərbaycanı 6 kanoeçi və 4 kayakçı təmsil edir.

İlk yarış günündə 4 kanoeçimiz – Valentin Demyanenko, Andrey Kraytor və Sergey Bezuqlıy – Maksim Prokopenko dueti 3 məsafəyə yürüşdə əsas finala vəsiqə qazanıb. Demyanenko və Kraytor 1 nəfərlik qayıqla 500 metr, Bezuqlıy – Prokopenko dueti isə 2 nəfərlik qayıqla 1000 metr və 500 metr məsafələrə yürüşdə həlledici yürüşün iştirakçılarına çevriliblər. Başqa sözlə, onların 4 medal qazanmaq imkanı var. Amma bu, hələ son deyil. Mayın 7-də Demyanenko və Kraytoru, eləcə də Bezuqlıy – Prokopenko duetini 200 metr məsafəyə yürüşlər gözləyir.

Digər kanoeçilərimiz Adnan Əliyev və Boqdan Kurudz 1000 metr, kayakçılarımızdan Natalya Fiklisova, Mirnazim Cavadov və Rüfət Vəlizadə – Tamerlan Mustafayev dueti 500 metr məsafəyə yürüşdə mükafatlar uğrunda mübarizə şanslarını itiriblər.