“Xəzər Lənkəran” 1000-i yarıladı

Lent.az-ın məlumatına görə, bu matçdakı qələbə Lənkəran komandasının tarixi ərzində qazandığı xalların sayında 500 həddini aşmasına kifayət edib.

İndiyədək bütün yarışlarda 258 matça çıxan “Xəzər Lənkəran” qələbəyə görə 3 xal prinsipi ilə hesabladıqda indiyədək 502 xal toplayıb. Bu, “Bakı” ilə görüşə qədər 499-a bərabər idi.

Baş məşqçi Mirça Rednikin komandası Azərbaycan çempionatı və kuboku yarışlarında, həmçinin avrokuboklar və Birlik kubokunda keçirdiyi 258 matçda 145 qələbə qazanıb, 67 dəfə heç-heçə etməklə 500 həddini arxada qoyub. 1000 xalı yarılayan “Xəzər Lənkəran” 2004-cü ilin yayından bu günədək cəmi 46 dəfə uduzub.

Qeyd edək ki, əlavə vaxt təyin olunduğu matçların 120 dəqiqəsinin hesabı nəzərə alınır. Penaltilər seriyası isə hesablamalara şamil olunmur.