“Bakı”dan qovulan baş məşqçi CAR-dan təklif aldı

Lent.az-ın “CİD” agentliyinə istinadən verdiyi məlumata görə, almaniyalı mütəxəssislə CAR çempionatının yüksək liqasında çıxış edən “Mamelodi Sundauns” klubu maraqlanır.

Hazırda işsiz olan 61 yaşlı mütəxəssis “Mamelodi Sundauns”a avqustda start götürəcək növbəti mövsümdən etibarən rəhbərlik edə bilər. CAR-ın paytaxtı Pretoriyanı təmsil edən bu klub artıq Şeferin müvafiq sənədlərini də istəyib.

Qeyd edək ki, “Mamelodi Sundauns” hazırda CAR çempionatında 26 turdan sonra 51 xalla 4-cü pillədə qərarlaşıb. Komandanı lider “Orlando Pirates”dən 5 xal ayırır. Vinfrid Şefer “Bakı”nı qışda tərk edib. Onunla müqavilə qarşılıqlı razılıq əsasında pozulub. O, 2002-ci il dünya çempionatında Afrika ölkələrində Kamerun yığmasına rəhbərlik edib.