“2012-ci ildə Azərbaycanda böyük partlayış olacaq”
04 mart 2011 15:26 (UTC +04:00)

“2012-ci ildə Azərbaycanda böyük partlayış olacaq”

Lent.az-ın məlumatına görə, bu sözləri UEFA prezidenti Mişel Platininin müşaviri Paskal Torres AFFA-nın konfransındakı çıxışında deyib.

Torres gələn il ölkəmizdə 17 yaşadək qızlar arasında təşkil olunacaq dünya çempionatını məhz “partlayış” kimi dəyərləndirib. O, dünya çempionatına bütün futbol ictimaiyyəti nümayəndələrinin qatılacaqlarına əminlik ifadə edib.

UEFA nümayəndəsi həmçinin Azərbaycanda futbolun inkişafı istiqamətində aparılan işləri yüksək qiymətləndirib. Lakin Torres bildirib ki, görüləcək işlər də çoxdur: “Futbol oynamaq, futbolu başa düşmək asan, onu inkişaf etdirmək isə çətindir. Biz futbolda udmağı da, uduzmağı da bacarmalıyıq”.

Paskal Torres iyunun 8-də Azərbaycan futbolunun 100 illiyi münasibətilə keçiriləcək tədbirə UEFA prezidenti Mişel Platininin gələcəyini də bildirib.

Elşən MƏMMƏDOV
# 544

Oxşar yazılar