01 avqust 2009 10:30 (UTC +04:00)

Azərbaycanın kanoeçi dueti finala çıxa bilmədi

Rusiyanın paytaxtı Moskvada keçirilən yeniyetmələr arasında kayak və kanoe qayıqlarında avarçəkmə üzrə dünya çempionatında bu gün 1000 metr məsafəyə yarımfinal yürüşləri start götürüb. Lent.az-ın çempionatı izləyən əməkdaşının verdiyi məlumata görə, Azərbaycan avarçəkənlərindən 2 nəfərlik kayak qayığında yer alan Rüfət Vəlizadə - Mirnazim Cavadov dueti artıq çıxışını başa vurub. Kayakçılarımız İtaliya, Belarus, İsveç, İran, Ukrayna, CAR, Belçika və Kanadadan olan rəqibləri ilə mübarizədə 8-ci yeri tutub. Vəlizadə - Cavadov dueti 1000 metr məsafənin 750 metrini 5-ci sırada qət etsə də, yekunda 3 dəqiqə 32 saniyə 479 mikrosaniyə nəticə ilə öz qrupunda 9 iştirakçı arasında 8-ci yeri tutub. Reqlamentə əsasən, finiş xəttini ilk 3-lükdə keçən kayakçılar finala vəsiqə qazanıb. Bu səbəbdən, Vəlizadə - Cavadov dueti yarımfinal mərhələsində mübarizəni dayandırıb.

Avqustun 2-də 500 metr məsafəyə yarımfinal və final yürüşləri keçiriləcək. Avarçəkənlərimizdən 1 nəfərlik kanoe qayığında mübarizə aparan Andrey Kraytor və 1 nəfərlik kayak qayığında çıxış edən Rüfət Vəlizadə yarımfinal yürüşlərinə qatılacaqlar.

Texniki nəticələr
Məsafə: 1000 metr
2 nəfərlik kayak qayığı (K2)

1. Karlo Kekçini (İtaliya) - 3:23.482
2. Anatoli Şeliko - Mikita Boriko (Belarus) - 3:25.489
3. Yohan Lilya - Rasmus Yaruta (İsveç) - 3:27.799
4. Hamid Torki - Said Fazle Ola (İran) - 3:28.070
5. Artyom Dubrovski - Maksim Yarmolenko (Ukrayna) - 3:29.597
6. Martin van der Berq - Stüart Maklaren (CAR) - 3:30.167
7. Joeri Vekx - Piet Brokx (Belçika) - 3:32.061
8. Rüfət Vəlizadə - Mirnazim Cavadov (Azərbaycan) - 3:32.479
9. Patrik Voqhan - Volf Şilo (Kanada) - 3:36.130

İlk 3 yerin sahibləri finala vəsiqə qazanıb.
# 256

Oxşar yazılar