28 iyul 2009 10:30 (UTC +04:00)

“Bakı” – “Levski” matçı 2000 polisə tapşırıldı

Oyunda ciddi təhlükəsizlik tədbirləri görüləcək

Bu gün Tofiq Bəhramov adına Respublika stadionunda Azərbaycan çempionu “Bakı” və Bolqarıstanın “Levski” komandaları arasında keçiriləcək futbol üzrə Çempionlar Liqasının III təsnifat mərhələsinin ilk oyununda ciddi təhlükəsizlik tədbirləri görüləcək.

Bu haqda Lent.az-a stadionun direktoru Akif İsmayılov məlumat verib.

Onun sözlərinə görə, oyunun təhlükəsizliyini 2000 nəfər polis əməkdaşı qoruyacaq. Eyni zamanda Daxili Qoşunların şəxsi heyəti də bu prosesə cəlb olunacaq.

Saat 20:00-da başlanacaq matça giriş pulsuzdur. Oyunu 30 minədək azarkeşin izləyəcəyi gözlənilir.
# 197

Oxşar yazılar