10:00 23 iyul 2009

“Xəzər Lənkəran”da R&R

“Xəzər Lənkəran” klubu heyətinə daha iki futbolçu cəlb edib.


Lent.az-ın klubun rəsmi saytına istinadən verdiyi məlumata görə, bir neçə il öncə “ağ-yaşıl” formanı geymiş Rəşad Kərimov və ötən mövsümü “Bakı”nın heyətində keçirmiş Ramazan Abbasovla müqavilə bağlanılıb.

Hər iki futbolçu yarımmüdafiəçidir. Son zamanlar bir qədər kölgəyə düşmüş Abbasov iki-üç il öncə ölkənin bütün aparıcı komandalarının diqqət mərkəzində olub. “Xəzər Lənkəran”ın baş məşqçisi Ağasəlim Mircavadov hesab edir ki, şans qazanacağı təqdirdə 25 yaşlı futbolçu əvvəlki səviyyəsinə qayıda biləcək. Onun fikrincə, Kərimov da kifayət qədər potensiala malikdir. Yüksək texnikaya malik 23 yaşlı futbolçu “Karvan”da keçirdiyi mövsümün ardından yenidən “Xəzər Lənkəran”a qayıdır.
# 225

Oxşar yazılar