Almaniya ilə oyuna hazırlaşacaq futbolçularımız məlum oldu

İDMAN

Ana səhifə
İDMAN

10:00 29 iyun 2009

Almaniya ilə oyuna hazırlaşacaq futbolçularımız məlum oldu

Milli komandamızın baş məşqçisi 30 futbolçuya dəvət göndərdi

Futbol üzrə Azərbaycan milli komandası avqustun 12-də Almaniya yığması ilə Bakıda keçirəcəyi 2010-cu il dünya çempionatının seçmə qrup matçına iyulun 27-də start verəcək. Lent.az-ın AFFA-nın rəsmi saytına istinadən verdiyi məlumata görə, millimiz əvvəlcə İsveçrənin Sürix şəhərinə təlim-məşq toplantısına yollanacaq.

Xaricdəki toplanış avqustun 6-da başa çatacaq. Ertəsi gün isə yığmamız Bakıda bir araya gələcək və oyun gününədək hazırlığını davam etdirəcək.

Baş məşqçi Berti Foqts təlim-məşq toplantısına 22 əsas, 8 ehtiyat oyunçu dəvət edib. Onların arasında uzun fasilədən sonra dəvət alan Elnur Allahverdiyev də var. Əvəzində Branimir Subaşiç, Aleksandr Çertoqanov və Leandro Qomeş ehtiyat oyunçular siyahısında yer alıb.

Qapıçılar: Fərhad Vəliyev (“Qarabağ”), Rauf Mehdiyev (“Simurq”), Səlahət Ağayev (“İnter”).

Müdafiəçilər: Rəşad Sadıqov (klubsuz), Cəmşid Məhərrəmov, Elnur Allahverdiyev (hər ikisi “Qarabağ”), Vladimir Levin, Samir Abbasov, Mahir Şükürov (hamısı “İnter”), Sergey Sokolov (“Simurq”), Saşa Yunisoğlu (“Bakı”), Rail Məlikov (“Neftçi”), Ernani Pereyra (klubsuz),

Yarımmüdafiəçilər: Elvin Məmmədov (“Qarabağ”), Cavid Hüseynov (“İnter”), Fabio Luis Ramim (“Bakı”), Elmar Baxşıyev, Araz Abdullayev (hər ikisi “Neftçi”), Zeynal Zeynalov (“Standard”),

Hücumçular: Daniel Axtyamov (“Minsk”, Belarus), Vüqar Nadirov, Vaqif Cavadov (hər ikisi “Qarabağ”).

Ehtiyat oyunçular: Elçin Sadıqov, Tural Nərimanov (hər ikisi “Neftçi”), Tural Cəlilov (“Simurq”), Aleksandr Çertoqanov (“İnter”), Aqil Nəbiyev, Leandro Qomeş (hər ikisi “Olimpik-Şüvəlan”), Rahid Əmirquliyev (“Xəzər-Lənkəran”), Branimir Subasiç (“Çanqçun Yatay”, Çin).