Azərbaycan yığması Dünya Kubokuna məğlubiyyətlə başladı
11 iyun 2009 10:00 (UTC +04:00)

Azərbaycan yığması Dünya Kubokuna məğlubiyyətlə başladı

Taekvondo üzrə kişilərdən ibarət Azərbaycan milli komandası Bakı İdman Sarayında keçirilən komandalararası Dünya Kubokuna məğlubiyyətlə başlayıb. Lent.az-ın məlumatına görə, yığmamız qrupda keçirdiyi ilk görüşündə Rusiyaya uduzub – 2:3.

Millimizin heyətində yer alan 5 taekvondoçudan Samir Aydınovla (54 kq) Rəşad Əhmədov (82 kq) qələbə qazanmağı bacarıblar. Rövşən Məmmədov (63 kq), İlkin Şahbazov (72 kq) və Təvəkkül Bayramov (+82 kq) isə məğlub olublar.

Komandamız iyunun 12-də Braziliya, bundan bir gün sonra isə İtaliya ilə üz-üzə gələcək. Yığmamızın baş məşqçisi Ələkbər İmaməliyev Lent.az-a açıqlamasında xüsusən, İlkin Şahbazov və Təvəkkül Baytamovun Rusiya ilə görüşdə ümidləri doğrultmadığını bildirib. O, ¼ finala vəsiqə qazanmaq üçün qarşıdakı 2 görüşdə mütləq qələbə qazanmalı olduqlarını vurğulayıb.

Qeyd edək ki, Dünya Kubokunun iştirakçıları 6 qrupa bölünüblər. ¼ finala qrup qalibləri ilə yanaşı, ən yaxşı göstəriciyə malik 2 komanda çıxacaq. İyunun 14-də ¼ final, yarımfinal və final görüşləri keçiriləcək.
# 1203

Oxşar yazılar