“Neftçi”nin yeni məşqçisi danışdı – FOTO

Lent.az-ın məlumatına görə, komandanın fiziki hazırlıq üzrə məşqçisi Mehmet Ak flaqmanın rəsmi saytına açıqlamasında testin nəticələrindən qane olduqlarını bildirib.
Onun sözlərinə görə, bu testin sayəsində baş məşqçi Arif Əsədovun planına uyğun, hansı futbolçuya nə qədər tapşırıq verilməli olduğu müəyyənləşib. Yanvarın 14-də isə futbolçular fitnes testinə cəlb ediləcəklər: “Flaqmanın futbolçularının çalışmaq əzminə yalnız həsəd aparmaq lazımdır. Komandanın kapitanı Rail Məlikov məşqlərdə futbolçuları sanki vacib oyuna kökləyir. Bu isə məşqçilər korpusunun işini asanlaşdırır. Bütün heyət üzvləri çox istəklə çalışır. Texniki-taktiki cəhətdən komanda yüksək səviyyədədir, fiziki hazırlğı da eyni səviyyəyə çatdıra bilsək, “Neftçi” qarşısıalınmaz olacaq. Təlim-məşqə yeni başlamışıq, bir müddət sonra fiziki hazırlıq da ən üst səviyyədə olacaq”.

Klubdakı ab-havanın mükəmməl olduğunu deyən Ak “Neftçi” rəhbərliyi və baş məşqçi Arif Əsədovun əməyini vurğulayıb: “Vitse-prezident Tahir Süleymanov da Antalyada düşərgədə komandanın məşqini yaxından izləyir və isti münasibətə görə ona da minnətdarlığımı bildirirəm. Daxildə olduqda bunu görmək mümkündür. Heyətdə istedadlı gənc futbolçulara daim diqqət yetirilir. Bu, çox yaxşı haldır”.