Maykl Felps London olimpiadasına hazırlıqlara başladı

. Lent.az-ın məlumatına görə, 25 yaşlı ABŞ üzgüçüsü hazırlığının ilkin mərhələsi kimi 14 – 26 yanvarda Texasda keçiriləcək “Austin Grand Prix”inə qatılacağını bildirib.

Bu, Felps üçün 2010-cu ilin avqustundan sonra ilk yarış olacaq. İdmançının sözlərinə görə, hazırda onun üçün əsas məsələ turnirlərə qayıtmaq və suyu hiss etməkdir. Son məşqləri barədə danışan üzgüçü onların həm yaxşı, həm də pis effekt verə biləcəyini söyləyib.

Amerikalının fikrincə, London olimpiadasının startınadək vaxt çox tez keçəcək: “İndi məni çətinliklə inandırmaq olar ki, artıq Pekin olimpiadasından 2,5 il keçib”.

Qeyd edək ki, Maykl Felps tarixdə ən titullu idmançı sayılır. Əvvəllər heç kim nə ümumilikdə 14 olimpiya qızıl medal, nə də bir olimpiadada 8 qızıl medal qazana bilib. Felps 2004-cü il Afina olimpiadasında 6, 2008-ci il Pekin olimpiadasında isə 8 qızıl medala sahib çıxıb.