Vaqif Sadıqov “Anji”nin böyük məşqçisi oldu
11 yanvar 2011 15:39 (UTC +04:00)

Vaqif Sadıqov “Anji”nin böyük məşqçisi oldu

Bu haqda Lent.az-a Sadıqovun özü məlumat verib. 52 yaşlı mütəxəssis yeni klubuna yanvarın 21-də Türkiyənin Antalya şəhərində qoşulacağını bildirib. Onun sözlərinə görə, həmin gün “Anji”nin Antalyada təlim-məşq toplantısı başlayacaq: “Baş məşqçisi Hacı Hacıyev mənimlə əlaqə saxlayaraq dedi ki, artıq klub prezidenti Maqomedsultan Maqomedovla görüşərək, böyük məşqçi vəzifəsinə təyinatıma razılıq alıb. Bu vəzifə baş məşqçinin əsas köməkçisi anlamını verir. Müqavilə müddəti və şərtləri, eləcə də konkret funksiyalarım Antalyada “Anji”nin düşərgəsinə qatılandan sonra müəyyənləşəcək. Artıq klubdan mənim üçün yanvarın 21-də Bakıdan Antalyaya bilet sifariş olunub”.


Qeyd edək ki, Azərbaycan milli komandasının futbolçusu Mahir Şükürov “Anji”də çıxış edir.

Elşən MƏMMƏDOV
# 518

Oxşar yazılar